Բուդդիստ վանականը չորս օր գոյատևել է նեղ քարանձավում՝ առանց սննդի և ջրի (տեսանյութ)

Բուդդիստ վանականը գլխիվայր մնացել է նեղ քարանձավում և մի քանի օր գոյատևել այնտեղ՝ առանց սննդի և ջրի, հաղորդում է Viral Press-ը։

Լուանգ Տա Սոմչայը անհետացել է դեկտեմբերի 7-ին Թաիլանդի հյուսիս-արևելքում գտնվող Վատ Թամմասաթհան Ֆասավանից։ Կամավորներն ու տեղի բնակիչները մի քանի օր շարունակ որոնում էին 2 կիլոմետր շառավղով, բայց ապարդյուն։ Նրան հայտնաբերել են միայն դեկտեմբերի 11-ին նեղ քարանձավում։

Փրկարարները պարանների միջոցով իջել են մոտ 30 մետր և նկատել 77-ամյա վանականին՝ խրված ճեղքում։ Նրան փրկելու համար պահանջվել է ավելի քան երեք ժամ։

Սոմչայը պատմել է, որ ինքը քարանձավ է մտել մյուս կողմից, կորել «բնական լաբիրինթոսում» և չի կարողացել գտնել դուրս գալու ճանապարհը։ Նա իր հետ հեռախոս չի ունեցել, ուստի պարզապես սպասել է և օգնություն է կանչել։ Վանականը ստացել է քերծվածքներ ու ջրազրկվել և շնորհակալություն է հայտնել բոլոր նրանց, ովքեր մասնակցել են փրկարարական աշխատանքներին։