Սիրիայի գրոհայիններն առաջին անգամ տանկ են օգտագործել քրդական ջոկատների դեմ

Սիրիայում Թուրքիայի հետ սահմանակից Ռաս ալ Այն քաղաքի շրջանում կատաղի բախումներ են ծայր առել քրդական ջոկատների և Ան Նուսրայի զինված խմբավորման արմատական գրոհայինների միջև, գրում է Ալ Մայադինը:

Գրոհայինները, որոնց թվում քիչ չեն Թուրքիայից ներթափանցած վարձկանները, առաջին անգամ օգտագործում են իրենց ձեռքում հայտնված տանկերը քրդական ինքնապաշտպանական ջոկատների դեմ:

Գործակալությունը հայտնում է, որ նրանք փորձում են հսկողություն սահմանել Սիրիայի հյուսիս-արևելքում գտնվող 50 հազար բնակիչ ունեցող ռազմավարական կարևորություն ներկայացնող այդ քաղաքի նկատմամբ, սակայն քրդերը կարողացել են հետ մղել նրանց գրոհները:

Քրդական այլ շրջանների Ռաս ալ Այն են ուղարկվել օգնական ջոկատներ: Քրդական ինքնապաշտպանական ջոկատների հիմքը Քրդական դեմոկրատական միության գրոհայիններն են, որոնք, ինչպես կարծում են, սերտորեն կապված են Քրդական աշխատավորական կուսակցության հետ: