Հունգարիան չի մասնակցի ԵՄ-ի կողմից Ուկրաինային տրամադրվող վարկին. Օրբան

Հունգարիան չի կարող մասնակցել ԵՄ-ի կողմից Եվրոպային տրամադրվող վարկին, քանի որ սահմանադրությունը պահանջում է խորհրդարանի հաստատում, որը այն չի տրամադրի։ ՌԻԱ Նովոստիի փոխանցմամբ՝ Բրյուսելում լրագրողներին ասել է Հունգարիայի վարչապետ Վիկտոր Օրբանը։

«Ես նման թույլտվություն չունեմ, և չեմ կարծում, որ որևէ հունգարացի վարչապետ երբևէ խորհրդարանի հաստատում կստանա Հունգարիան ԵՄ վարկի միջոցով պարտքերի մեջ գցելու համար», - ասել է նա։

Նրա խոսքով՝ դեռևս հայտնի չէ, թե Ուկրաինայի համար ինչ ֆինանսավորման առաջարկներ կփոխարինեն սառեցված ռուսական ակտիվների բռնագրավման գաղափարին։