Մենք պետք է հանդիպենք Թրամփի հետ և համաձայնության գանք․ Լուկաշենկո

Բելառուսի նախագահ Ալեքսանդր Լուկաշենկոն հայտարարել է ԱՄՆ նախագահ Դոնալդ Թրամփի հետ հանդիպման և համաձայնագրի կնքման հնարավորության մասին : Նրա խոսքերը մեջբերում է ՏԱՍՍ-ը:

Լուկաշենկոյի խոսքով՝ իրավիճակը զարգանում է դեպի «մեծ գործարք», և ամերիկյան կողմը, նրա խոսքով, երաշխավորում է Բելառուսի դեմ բոլոր պատժամիջոցների վերացումը, եթե համաձայնության հասնեն։

Քաղաքական գործիչը նշեց, որ բելառուսական կողմը «շատ դժվար երկխոսություն» է վարում ամերիկացիների հետ և արդեն իսկ ստանում է հետագա բանակցությունները պլանավորելու հարցումներ։

«Ամեն ինչ, ինչպես նրանք ասացին, գնում է դեպի մեծ գործարք։ Ամեն ինչ գնում է դեպի մեր հանդիպումը Թրամփի հետ և համաձայնության հասնելը», - ասել է Լուկաշենկոն Բելառուսի ժողովրդին և խորհրդարանին ուղղված իր ելույթում՝  Մինսկում Համաբելառուսական ժողովրդական ժողովի նստաշրջանի ժամանակ։