ԵՄ-ի որոշումը նշանակալի հաղթանակ էր․ Զելենսկի

Ուկրաինայի նախագահ Վոլոդիմիր Զելենսկին իր Telegram ալիքում հայտարարել է , որ Եվրամիության ( ԵՄ ) առաջնորդների կողմից Ուկրաինային 90 միլիարդ եվրոյի անտոկոս վարկ տրամադրելու որոշումը «նշանակալի հաղթանակ» է։

«Սա մեզ համար ամրապնդում է։ Սա ազդանշան է ռուսների համար, որ իմաստ չունի շարունակել կռվելը, քանի որ մեզ ֆինանսապես աջակցում են, ինչը նշանակում է, որ մենք չենք հանձնվի առաջնագծում։ Մենք կաջակցենք մեր բանակին և մեր ժողովրդին», - գրել է Ուկրաինայի ղեկավարը։

Դեկտեմբերի 19-ին Եվրոպական խորհրդի նախագահ Անտոնիո Կոստան Բրյուսելում կայացած գագաթնաժողովից հետո  հայտարարեց, որ ԵՄ-ն Ուկրաինային կտրամադրի 90 միլիարդ եվրոյի վարկ՝ հիմնվելով միության բյուջեի վրա, որը Կիևը կարող է մարել սառեցված ռուսական ակտիվների միջոցով։ Նա նշել է, որ այս գումարը կօգտագործվի երկրի 2026 և 2027 թվականների անհետաձգելի ֆինանսական կարիքները հոգալու համար։