Կրետեի ափերից ավելի քան 500 միգրանտ է տարհանվել

Հունաստանը մեկ օրում իրականացրել է վերջին ժամանակների ամենամեծ միգրանտների փրկարարական գործողություններից մեկը՝ Գավդոս կղզու ափերից տարհանելով 545 մարդու, որոնք փորձում էին ծովով հասնել Եվրոպա։

Հունական լրատվամիջոցների հաղորդմամբ՝ ուրբաթ լուսաբացին Հունաստանի ափային պահպանությունը աղետի մասին ահազանգ է ստացել։ Արձագանքելու համար անմիջապես գործի են դրվել ափային պահպանության երեք նավ, Frontex-ի նավեր և մոտակա երեք պարեկային նավեր։

Գործողության ընթացքում հայտնաբերվել է մի փոքրիկ ձկնորսական նավ, որը տեղափոխում էր հարյուրավոր միգրանտներ: Փրկարարական աշխատանքները տևել են մի քանի ժամ և ավարտվել Գավդոս կղզուց 16 ծովային մղոն հարավ-արևելք: