Շվեյցարիան վարում է լիովին ուկրաինամետ քաղաքականություն. ՌԴ դեսպան

Ռուսաստանը Շվեյցարիային չի ընկալում՝ որպես չեզոք միջնորդ Ուկրաինայի բանակցություններում, քանի որ Բեռնը լիովին ուկրաինամետ դիրքորոշում է պահպանում։ Այս մասին ՌԻԱ Նովոստիին ասել է Շվեյցարիայում Ռուսաստանի դեսպան Սերգեյ Գարմոնինը։

«Շվեյցարիայի իշխանությունները լիովին ուկրաինամետ դիրքորոշում են պահպանում, ուստի ռուսական կողմը Կոնֆեդերացիային այլևս չի դիտարկում՝ որպես «չեզոք միջնորդ», այլ հավասար հիմունքներով՝ կոլեկտիվ Արևմուտքի մյուս երկրների հետ», - ասել է դեսպանը։

Նրա խոսքով, եթե իրավիճակը փոխվի, Բեռնը տեսականորեն կարող է դիտարկվել՝ որպես բանակցությունների վայր։