Պուտինը պատրաստ է խոսել Մակրոնի հետ․ Կրեմլ
Աշխարհ
Ռուսաստանի նախագահ Վլադիմիր Պուտինը պատրաստ է երկխոսություն անցկացնել Ֆրանսիայի նախագահ Էմանուել Մակրոնի հետ։
Ինչպես հաղորդում է ՌԻԱ Նովոստին, այս մասին հայտարարել է նրա մամուլի քարտուղար Դմիտրի Պեսկովը։
«Նա [Էմանուել Մակրոնը] ասել է, որ պատրաստ է խոսել Պուտինի հետ։ Այստեղ շատ կարևոր է հիշել, թե ինչ է ասել նախագահը ուղիղ եթերում։ Նա նույնպես հայտնել է Մակրոնի հետ երկխոսություն անցկացնելու իր պատրաստակամության մասին։ Հետևաբար, եթե կա փոխադարձ քաղաքական կամք, ապա դա կարելի է գնահատել միայն դրական», - ասել է Պեսկովը։
Դեկտեմբերի 19-ին Ֆրանսիայի նախագահը հայտարարել էր, որ եվրոպական կառավարությունների համար օգտակար կլինի վերսկսել երկխոսությունը Վլադիմիր Պուտինի հետ։ Նա հավելել էր, որ ԵՄ երկրները պետք է գտնեն դա անելու միջոց առաջիկա շաբաթներին։ Ռուսաստանի արտաքին գործերի նախարար Սերգեյ Լավրովը չէր բացառել, որ եթե Փարիզը ցանկանա, կարող են տեղի ունենալ Ռուսաստանի և Ֆրանսիայի նախագահների միջև բանակցություններ։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
