JAC-ը 2026-ին Ռուսաստանում կներկայացնի երկու նոր մոդել՝ նորացված T9 և JS9 ամենագնաց

Չինական ավտոարտադրող JAC-ը հայտնել է, որ 2026 թվականին կընդլայնի իր մոդելային շարքը Ռուսաստան-ում՝ ներկայացնելով երկու նոր ավտոմեքենա։ «Ռոսիյսկայա գազետա»-ին ընկերության մամուլի ծառայությունից հայտնել են, որ խոսքը վերաբերում է T9 պիկապի արդիականացված տարբերակին և ամբողջովին նոր JS9 ամենագնացին։

Ըստ հրապարակման՝ 2026 թվականի հունվարին ռուսական շուկայում կվաճառվի JAC T9 պիկապի նոր տարբերակը, որը կստանա Multilink տիպի հետևի կախոց։ Իսկ նույն տարվա երրորդ եռամսյակում նախատեսվում է նոր JS9 ամենագնացի պաշտոնական մուտքը շուկա։ Ներկայում Ռուսաստանում հասանելի է JAC T9 TDi տարբերակը՝ երկլիտրանոց տուրբոդիզելային շարժիչով, որն ունի 163 ձիաուժ հզորություն և 410 նյուտոն-մետր ոլորող մոմենտ։ Մոդելը համալրված է ութաստիճան ավտոմատ փոխանցման տուփով և լիաքարշակ համակարգով։

JS9 նոր ամենագնացը, նախնական տվյալներով, կստանա երկլիտրանոց բենզինային տուրբոշարժիչ՝ շուրջ 200 ձիաուժ հզորությամբ և ութաստիճան «ավտոմատ» փոխանցման տուփ։ Ավտոմեքենան կունենա լիաքարշակ համակարգ՝ մի քանի կարգավորվող ռեժիմներով, որոնք նախատեսված են տարբեր ճանապարհային պայմաններում երթևեկության համար։ Նոր մոդելները նպատակ ունեն ամրապնդել JAC-ի դիրքերը ռուսական ավտոշուկայում 2026 թվականին։