Մասկը դարձել է աշխարհի առաջին մարդը՝ մոտ 750 միլիարդ դոլար կարողությամբ

Ամերիկացի գործարար Իլոն Մասկ-ի կարողությունը հասել է 749 միլիարդ դոլարի՝ դարձնելով նրան աշխարհի պատմության մեջ առաջին մարդը նման ցուցանիշով։ Այդ մասին հայտնում է Reuters-ը՝ հղում անելով Forbes-ի միլիարդատերերի ինդեքսին։

Կտրուկ աճը պայմանավորված է Դելավեր նահանգի Գերագույն դատարանի որոշմամբ, որը վերականգնել է Մասկի՝ Tesla-ի բաժնետոմսերի օպցիոնները՝ 139 միլիարդ դոլարի չափով։ Այդ օպցիոնները 2024 թվականին չեղարկվել էին, սակայն դատարանը նախորդ վճիռը ճանաչել է անօրինական և անարդար Մասկի նկատմամբ։

Reuters-ը հիշեցնում է, որ նոյեմբերին Tesla-ի բաժնետերերը հաստատել էին Մասկի համար նախատեսված շուրջ մեկ տրիլիոն դոլար արժողությամբ վարձատրության ծրագիրը, որը դարձել է կորպորատիվ պատմության ամենախոշոր պարգևատրման փաթեթը։ Միևնույն ժամանակ փորձագետների մի մասը շարունակում է պնդել, որ Tesla-ի արժեքը երկար ժամանակ «չափազանց բարձր է գնահատված», չնայած Մասկի կարողության շարունակական աճին։