Ուգանդան հետաքրքրված է Ռուսաստանի հետ համագործակցությամբ նավթագազային ոլորտում

Աֆրիկյան Ուգանդան հետաքրքրություն է հայտնել Ռուսաստանի հետ համագործակցելու նավթագազային ոլորտում։ Այդ մասին հայտարարել է երկրի արտաքին գործերի նախարարության միջազգային իրավունքի և սոցիալական հարցերի վարչության ղեկավար Ջոն Լեոնարդ Մուգերվա-ն՝ ինչպես փոխանցում է ՏԱՍՍ-ը։

Դիվանագետի խոսքով՝ խոսքը վերաբերում է էներգետիկայի և հատկապես նավթագազային ոլորտում համատեղ նախագծերի իրականացմանը, որտեղ Ռուսաստանը, ըստ նրա, ունի լուրջ փորձ և հնարավորություններ։ Միաժամանակ Ուգանդան շահագրգռված է նաև Ռուսաստանի հետ համագործակցության ընդլայնմամբ շինարարության և տեղեկատվական-հաղորդակցական տեխնոլոգիաների ոլորտներում, ինչպես նաև երկկողմ առևտրի զարգացման հարցում։

Ավելի վաղ Ուգանդայի նախկին դեսպանն Ռուսաստանում նշել էր, որ երկիրը արդեն արտահանում է Ռուսաստան մրգեր և սուրճ, սակայն պատրաստ է ընդլայնել մատակարարումները՝ ներառյալ սեփական արտադրության էլեկտրամոբիլները։ Բացի այդ, Ուգանդան պայմանագիր է կնքել ԿԱՄԱԶ ընկերության հետ՝ բեռնատար ավտոմեքենաների արտադրությամբ զբաղվող գործարանի կառուցման վերաբերյալ։