Ինչու Էրդողանը կարող է Ռուսաստանին վերադարձնել S-400 համակարգերը․ քաղաքագետ

Թուրքիայի նախագահ Ռեջեփ Թայիփ Էրդողանը կարող է Ռուսաստանին վերադարձնել S-400 հակաօդային պաշտպանության հրթիռային համակարգերը՝ ԱՄՆ-ից աճող կախվածության պատճառով, Lenta.ru-ին ասել է քաղաքագետ և Մոսկվայում Թուրքիայի նախկին առևտրային ներկայացուցիչ Այդին Սեզերը։

Փորձագետի խոսքով՝ Էրդողանը մտադիր է վերականգնել Թուրքիայի տնտեսությունը ընտրություններից առաջ, որոնց ընթացքում նրա դիրքը կարող է անկայուն լինել։ «Հետևաբար, թուրք առաջնորդը ստիպված կլինի զիջել ԱՄՆ նախագահ Դոնալդ Թրամփի պահանջներին, այդ թվում՝ Ռուսաստանի հետ պայմանագրերի խզմամբ»,- նշել է քաղաքագետը։

«Կարծես թե Թուրքիան պլանավորում է նահանջել այս հարցում։ Սա կարելի է մեկնաբանել՝ որպես Էրդողանի քաղաքականության փոփոխություն։ Անկարան նաև կարիք ունի ամերիկյան արտաքին օգնության և օտարերկրյա ուղղակի ներդրումների՝ ներկայիս տնտեսական ճգնաժամի պատճառով», - ասել է Սեզերը։