Ուսուցչուհին մեղադրվում է 12 և 11-ամյա աշակերտների նկատմամբ սեռական ոտնձգություններ կատարելու մեջ

Ռուսաստանի քննչական կոմիտեի նախագահ Ալեքսանդր Բաստրիկինը հրամայել է փոխել Սանկտ Պետերբուրգից երկու 12-ամյա տղաների նկատմամբ սեռական ոտնձգությունների մեջ մեղադրվող երիտասարդ ուսուցչուհու նկատմամբ կիրառված նախնական կալանքի միջոցը։ Նա առաջարկել է նրան ազատ արձակել՝ սեփական գրավոր համաձայնությամբ, հաղորդում է «Ֆոնտանկա»-ն։

Քննիչների տվյալներով՝ մարտ և ապրիլ ամիսներին երիտասարդ կինը «սեռական գործողություններ» է կատարել երկու 12-ամյա դպրոցականների նկատմամբ։ «Ֆոնտանկա»-ն տեղեկացել է, որ մեղադրյալը երկու տարի անգլերեն է դասավանդել Վիբորգի շրջանի դպրոցում։ Նա ակտիվորեն մասնակցել է տարբեր կառավարական ֆորումների՝ որպես կամավոր։ Սակայն հունիսին ուսուցչուհին ազատվել է աշխատանքից՝ իր դիմումի համաձայն։

Դեկտեմբերի 16-ին երիտասարդ կինը ձերբակալվել է։ Նրան մեղադրանք է առաջադրվել Ռուսաստանի քրեական օրենսգրքի 132-րդ հոդվածի 5-րդ մասով՝ բռնի սեռական ոտնձգություն։ Նախկին ուսուցչուհուն սպառնում է 12-ից 20 տարի ազատազրկում։ Նա իրեն մեղավոր չի ճանաչել։ Վիբորգի շրջանային դատարանը որոշել է նրան կալանքի տակ պահել մինչև 2026 թվականի փետրվարի 15-ը։

ԶԼՄ–ների տվյալներով՝ 22-ամյա ուսուցչուհու հեռախոսում հայտնաբերվել են երեխաների հետ սեռական բնույթի հաղորդագրություններ։

Նշվում է, որ ուսուցչուհին 12-ամյա աշակերտներից մեկին անվանել է «ամուսին», իսկ վերջինս ուսուցչուհուն՝ «կին»։ Նմանատիպ նամակագրություններ հայտնաբերվել են նաև 11–ամյա մեկ այլ տղայի հետ։ Հաղորդագրություններում մանրամասն քննարկվել է սեքսը, այդ թվում՝ դիրքերը։

Հայտնաբերվել է նաև տեսանյութ, որտեղ ուսուցչուհին վիրավորական ձևով ծաղրում է երեխայի սեռական օրգանը ։