Կինը թունավորել է իր չորս սիրեկաններին

 ԱՄՆ-ում Օհայո նահանգի  բնակչուհին  խոստովանել է, որ թունավորել է չորս տղամարդու, ինչպես նաև հարձակվել է մեկ ուրիշի վրա, հաղորդում է People-ը։

Քննիչները պարզել են, որ 36-ամյա Ռեբեկա Օբորնը Կոլումբուսում 2023 թվականի հունվարից մինչև հունիս ընկած ժամանակահատվածում թիրախավորել է տղամարդկանց։ Նա մոտեցել է իր զոհերին և առաջարկել սեռական հարաբերություններ։ Այնուհետև գաղտնի կերպով մեծ չափաբաժիններով թմրանյութեր տվել և գողացել գումար ու արժեքավոր իրեր։ Սակայն սիրեցյալներից մեկը, որին նա փորձել էր թունավորել 2022 թվականի դեկտեմբերին, ողջ է մնացել։

Օբորնը ձերբակալվել է 2023 թվականի հոկտեմբերին։ 2025 թվականի դեկտեմբերի 19-ին նա խոստովանել է իր մեղքը։ Նրան սպառնում է ցմահ ազատազրկում։ Օհայոյի գլխավոր դատախազ Դեյվ Յոստը հայտարարել է, որ Օբորնը ստիպված է եղել խոստովանել, քանի որ դետեկտիվները անթերի հետաքննություն են անցկացրել նրա գործով։ Նրա վերջնական դատավճիռը նշանակված է 2026 թվականի փետրվարի 20-ին։