Զելենսկին մտադիր է Թրամփի հետ ամենախնդրահարույց հարց քննարկել․ Reuters

Ուկրաինայի նախագահ Վոլոդիմիր Զելենսկին ցանկանում է հանդիպել ԱՄՆ նախագահ Դոնալդ Թրամփի հետ՝ քննարկելու Ռուսաստանի հետ ապագա խաղաղության համաձայնագրի մանրամասները, մասնավորապես՝ տարածքային, որը մնում է բանակցությունների ամենախնդրահարույց հարցը, հաղորդում է Reuters-ը։

«Մենք պատրաստ ենք հանդիպել Միացյալ Նահանգների հետ ղեկավարության մակարդակով՝ քննարկելու զգայուն հարցեր։ Տարածքային վեճերի նման հարցերը պետք է քննարկվեն ղեկավարության մակարդակով», - հրատարակությունը մեջբերում է Ուկրաինայի նախագահի խոսքերը։

Reuters-ը գրում է, որ Կիևն այժմ ճնշում է գործադրում Վաշինգտոնի վրա՝ «փոխելու խաղաղության ծրագիրը», համարելով, որ դրա պայմանները «Ուկրաինային անպաշտպան են թողնում Ռուսաստանի ապագա հարձակումներից»։