Սիրիացի ապստամբների շարքերում պառակտում է նկատվում

Չնայած Սիրիայում շարունակվում է պայքարը կառավարական զորքերի և ապստամբական խմբավորումների միջև՝ վերջիններիս շարքերում պառակտում է տեղի ունենում, գրում է MIGnews-ը։

Ալ-Քաիդայի հետ կապված «Ալ-Նուսրայի ճակատ» անվանումը կրող զինված խմբավորումը բացահայտ հայտարարել է հեղափոխության նպատակների մեջ որոշակի ճշգրտումներ մտցնելու և շարիաթի հիմունքերով գործող պետություն ստեղծելու իր որոշման մասին, ինչը դժգոհություն է առաջ բերել դաշնակիցների շրջանում։

Զինված իսլամիստների, որոնց շարքերում շատ են միջազգային գրոհայինները, Իրաքի պատերազմի վետերանները և Սիրիայի ազատ բանակի զինվորները, ներքին պայքարը կարող է որոշել ձգձգվող հակամարտության ողջ ճակատագիրը։

Ապստամբների հրամանատարներն արդեն հայտարարել են, որ այլևս չեն համագործակցելու իսլամիստների հետ և նրանց դեմ պայքար են մղելու Բաշար Ասադի ռեժիմի տապալման հաջորդ օրվանից սկսած։

Թվում է, թե պառակտումը նկատելի է, քանի որ Հալեպի մատույցներում վեջին օրերին մղած մարտերում ապստամբների շարքերում չկային նրանց նախկին դաշնակիցները, գրում է գործակալությունը։