Ալժիրում հայտնաբերվել է այրված 15 դիակ

Ալժիրում, նավթագազային գործարանի համալիր շինությունում, ուր գրոհայինները պատանդ էին վերցրել մի քանի հարյուր ալժիրցիների և օտարերկրյա քաղաքացիների, շաբաթ օրը հայտնաբերվել է այրված 15 դիակ։ Նրանց անձը, քաղաքացիությունն ու մահվան հանգամանքները ճշտվում են, գրում է Reuters-ը։

Ալ-Քաիդայի հետ կապված զինված խմբավորման գրոհայինները հունվարի 16-ին գերի էին վերցրել Ալ-Ամանեսա քաղաքի նավթամշակման գործարանը՝ գերի պահելով մի քանի հարյուր ալժիրցիների և օտարեկրյա մասնագետների։

Վեջին տվյալների համաձայն՝ հատուկ նշանակության ջոկատի գործողության արդյուքնում գրոհայիններից ազատ է արձակվել 600 պատանդ, որոնց թվում՝ 573 ալժիրցի և շուրջ 100 օտարերկրացի։ Ոչնչացվել է խմբավորման 3 պարագլուխ։

Մահացած է համարվում 12 մարդ, որոնց թվում՝ ԱՄՆ-ի 1 և Ճապոնիայի 2 քաղաքացի։ Ազատ են արձակվել Ռումինիայի 3 և Նորվեգիայի 2 քաղաքացիներ։