Մեր տարածաշրջանի ճակատագիրն ու ապագան ենք ձևավորում այսօր․ Էրդողանը՝ Ալիևին

Թուրքիայի նախագահ Թայիփ Էրդողանը շնորհավորել է Ալիևին.

«Պարոն Նախագահ, սիրելի եղբայր։ Իմ ժողովրդի և անձամբ իմ անունից ի սրտե շնորհավորում եմ Ձեզ ծննդյան օրվա առթիվ, մաղթում Ձերդ Գերազանցությանը և ձեր ընտանիքին առողջություն, բարեկեցություն և երկար տարիների կյանք: Հայրենի Ադրբեջանի հզորության անշեղ աճը, տարածաշրջանում և միջազգային ասպարեզում աճող հեղինակությունը Ձերդ Գերազանցության հմուտ առաջնորդության և հեռատես քաղաքականության շնորհիվ մեզ համար մեծ ուրախության և հպարտության աղբյուր են: Ցանկանում եմ ևս մեկ անգամ ընդգծել իմ ցանկությունը, որպեսզի Հայրենական պատերազմում տարած փառահեղ հաղթանակից հետո սկսված խաղաղության գործընթացը, որի 5-րդ տարելիցը միասին նշեցինք, հանգեցնի ամուր համաձայնության»,-ասել է Էրդողան՝ հույս հայտնելով, թե խաղաղությունը կծառայի ողջ տարածաշրջանի զարգացմանը։

Էրդողանը շարունակել է․ «Թուրքիայի և Ադրբեջանի միջև եղբայրական հարաբերություններն ու համերաշխությունը, որոնք իրենց ուժը քաղում են պատմությունից, օրեցօր ամրապնդվում են առաջնորդ Հեյդար Ալիևի կողմից մեզ ժառանգություն թողնված «Մեկ ազգ, երկու պետություն» սկզբունքի համաձայն: Ամուր հիմքերի վրա կառուցված դաշնակցային հարաբերությունների և համագործակցության բարձր մակարդակի շնորհիվ, որը մենք դրսևորում ենք բոլոր ոլորտներում, մենք միանշանակ տրամադրված ենք մեր համատեղ նախագծերի իրականացմանը, որոնք ձևավորում են մեր տարածաշրջանի ճակատագիրն ու ապագան: Սիրելի եղբայր, կրկին շնորհավորում եմ Ձեզ ծննդյան օրվա առթիվ: Օգտվելով առիթից՝ Ադրբեջանի բարեկամ և եղբայրական ժողովրդին եմ փոխանցում բարեկեցության և բարգավաճման լավագույն մաղթանքները»: