Ադրբեջանը համաձայնել է խաղաղապահ ուժեր ուղարկել Գազայի հատված. Մայք Ուոլց

ՄԱԿ-ում ԱՄՆ մշտական ​​ներկայացուցիչ Մայք Վալցը հայտարարություն է տարածել, որում նշվում է, թե Ադրբեջանը համաձայնել է լինել Գազայի հատվածում միջազգային խաղաղապահ ուժերի մասնակից։

Դիվանագետը հիշեցրել է, որ ԱՄՆ նախագահ Դոնալդ Թրամփի խաղաղության ծրագիրը նախատեսում է Միջազգային կայունացման ուժերի ստեղծում։ Վալցը նշել է, որ անցանկալի կլիներ, որ այդ ուժերը լինեին ամերիկյան զորքեր, իսկ իսրայելական զորքերի վերադարձը կնշանակի լայնածավալ պատերազմ և հարաբերությունների կարգավորման ձախողում։

Սակայն, հարկ է նշել, որ նախորդ օրը Ադրբեջանի նախագահի օգնական և նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը հայտնել էր,  որ Միացյալ Նահանգները դիմել է Ադրբեջանին՝ առաջարկելով ադրբեջանական զորքերը ներառել «Միջազգային կայունացման ուժերի» կազմում։

«Վերջնական որոշում դեռևս չի կայացվել»,– ասել էր Հաջիևը։