Ուկրաինայի արտաքին գործերի նախարար Սիբիգան աշխարհին կոչ է արել ուժեղացնել ճնշումը Ռուսաստանի վրա

Ուկրաինայի արտաքին գործերի նախարար Անդրեյ Սիբիգան իր սոցցանցերի էջում կոչ է արել աշխարհին «գործել»՝ մեծացնելով Ռուսաստանի վրա ճնշումը և Կիևին տրամադրելով անհրաժեշտ ռեսուրսներ, այդ թվում՝ ՀՕՊ համակարգեր։

Նախարարը նման մեկնաբանություն է արել Ռուսաստանի զինված ուժերի կողմից Ուկրաինայի տարածքում հասցված վերջին հարվածների վերաբերյալ։ Նա կրկին մեղադրել է Ռուսաստանին հանրապետության ենթակառուցվածքները թիրախավորելու մեջ։

Սիբիգան կոչ է արել «աշխարհին գործել»՝ մեծացնելով Մոսկվայի վրա «ճնշումը» և ամրապնդելով «Ուկրաինան և նրա ժողովրդին պաշտպանելու միջոցները, այդ թվում՝ ՀՕՊ-ը»։