Անհայտ անձինք գողացել են կարիքավոր երեխաների համար նախատեսված՝ 50,000 դոլար արժողությամբ սուրբծննդյան նվերները
Այլ
Միացյալ Նահանգներում անհայտ անձինք գողացել են ընդհանուր 50,000 դոլար արժողությամբ մոտ 600 սուրբծննդյան նվեր։ Խաղալիքները նախատեսված էին Նյու Յորքի հարավում գտնվող աղքատ ընտանիքների հարյուրավոր երեխաների համար։
Դեպքը տեղի է ունեցել գիշերը։ Մելիսա Դոկտոֆսկու խոսքով՝ կամավորները նախապես պատրաստել էին խաղալիքները բաշխման համար, փաթաթել էին դրանք և պահել բրեզենտի տակ՝ պահեստում։ Սակայն դա չի կանգնեցրել հանցագործներին. որոշ նվերներ գողացվել են, իսկ հազարավորները կոտրվել և վնասվել։
«Ցավալի է։ Ինչո՞ւ վերցնել այն մարդկանցից, ովքեր արդեն իսկ ոչինչ չունեն», - զայրացած ասել է Մելիսան։
Չնայած մեծ վնասին, կամավորները արագորեն աջակցություն են ստացել համայնքից։ Պորտ Վաշինգտոնի Պիտեր և Ջերի Դեյանա հիմնադրամը 30,000 դոլար է նվիրաբերել նոր խաղալիքներ գնելու համար։
«Երեխաները, հատկապես դժվարին վիճակում գտնվող ընտանիքների, չպետք է զրկվեն տոնական ուրախությունից եսասեր գողերի պատճառով», - ասվում է հիմնադրամի հայտարարության մեջ։
ՈՒՂԻՂ ԵԹԵՐ
Ամենադիտված 
Վենսը Բաքվում կատակել է Մեհրիբան Ալիևայի մասին
