Տղամարդը վերադարձել է այրվող տուն և փրկել իր դստերը

 Միչիգանի բնակիչ Ջոն Բիրմեյքերը հոսպիտալացվել է լուրջ այրվածքներով՝ իր 16-ամյա դստերը տանը բռնկված հրդեհից փրկելուց հետո։

Ջոնին արթնացրել է իր հարսնացուի՝ Միշել Հալսիի ճիչերը։ Նա անմիջապես ցատկել է մահճակալից և ընտանիքին դուրս տարել։ Միշելի խոսքով՝ տնից դուրս գալիս հասկացել է, որ Ջոնի դուստրը՝ Քալին, չկա։ Տղամարդը նույնպես նկատել է դա և առանց մտածելու վերադարձել է այրվող տուն։

Հաղորդվում է, որ այդ ժամանակ աղջիկը քնած է եղել վերևի հարկի ննջասենյակում։ Ջոնն ասել է, որ հազիվ է հասել նրան, քանի որ անընդհատ սայթաքում և ընկնում էր աստիճանների վրա։ Ի վերջո նրան հաջողվել է արթնացնել Քալիին։ Նա փրկել է աղջկան, սակայն բազմաթիվ այրվածքներ է ստացել։

Տղամարդը ներկայումս գտնվում է վերակենդանացման բաժանմունքում և տառապում է ցավերից։ Նրա դուստրը այրվածքներ է ստացել մարմնի միայն 16.5 տոկոսի վրա։ Նա իրեն լավ է զգում։

Չնայած հրշեջների արագ ժամանմանը՝ նրանք չեն կարողացել մարել հրդեհը, այն ամբողջությամբ ոչնչացրել է տունը։