Եվրոպային անհանգստացրել են Մակրոնի` Պուտինի մասին խոսքերը

Եվրոպական քաղաքական էլիտաները մտահոգված են Ֆրանսիայի նախագահ Էմանուել Մակրոնի՝ Ռուսաստանի նախագահ Վլադիմիր Պուտինի հետ երկխոսությունը վերսկսելու ցանկությամբ: Այս մասին հայտնում է Al Khaleej-ը։

Նշվում է, որ Ֆրանսիայի ղեկավարն իր դիրքորոշումը հիմնավորել է նրանով, որ շատ երկրներ արդեն բանակցություններ են վարում Մոսկվայի հետ: «Սակայն եվրոպացի քաղաքական գործիչները բազմաթիվ կասկածներ ու հարցեր ունեն», - նշել է պարբերականը։

«Նրանք ասվածը գնահատել են որպես ֆրանսիական բացառիկության դրսևորում և Մակրոնի քայլ, որը հակասում է ընդունված միտումներին, հատկապես հաշվի առնելով, որ նա այդ հարցը չի քննարկել եվրոպացի գործընկերների հետ», - ասվում է հոդվածում: Ըստ աղբյուրի՝ շատ վերլուծաբաններ ապշել են Ֆրանսիայի նախագահի դիրքորոշման անսպասելի փոփոխությունից։