Բունդեսթագը կոչով դիմել է Ֆրանսիային և Գերմանիային

Ֆրանսիան և Գերմանիան պետք է ուղիղ երկխոսություն հաստատեն Ռուսաստանի հետ։ Նման կոչով է հանդես եկել Բունդեսթագի արտաքին քաղաքականության կոմիտեի նախագահ Արմին Լաշեթը, նրա խոսքը մեջբերում է Der Tagesspiegel-ը։

«Եվրոպան պետք է վարի անկախ, ուժեղ արտաքին և անվտանգության քաղաքականություն։ Դա ներառում է նաև ինքնավարություն, ինքնիշխանություն և ամերիկյան միջնորդների միջոցով սեփական եվրոպական գաղափարներն ուղղելու անհրաժեշտության բացակայություն», - ընդգծել է պատգամավորը։

Լաշեթը հավելել է, որ Փարիզն ու Բեռլինը պետք է Մոսկվային ներկայացնեն «սեփական եվրոպական խաղաղության ծրագիրը, որը կհամաձայնեցվի Ուկրաինայի հետ ուժի դիրքերից»: Նրա կարծիքով՝ Եվրոպան չի կարող ներկայացված լինել առանց Գերմանիայի և Ֆրանսիայի։ Հենց այդ պատճառով էլ պատգամավորը կողմ է գերմանա-ֆրանսիական համատեղ դիվանագիտությանը։