Ինչ վճռական հանդիպում է սպասվում Թրամփին․ Axios
Մերձավոր Արևելք
ԱՄՆ նախագահ Դոնալդ Թրամփի և Իսրայելի վարչապետ Բենյամին Նեթանյահուի առաջիկա հանդիպումը վճռորոշ կլինի Գազայի հատվածում հրադադարի ճակատագրի համար: Այս մասին գրում Է Axios պորտալը։
Պարբերականի տեղեկություններով՝ Սպիտակ տան պաշտոնյաները կարծում են, որ Նեթանյահուն ձգձգում է խաղաղ գործընթացը և մտադիր է վերսկսել ռազմական գործողությունները ՀԱՄԱՍ-ի դեմ: Միևնույն ժամանակ, ամերիկյան վարչակազմը ձգտում է որքան հնարավոր է շուտ հայտարարել Գազայում «տեխնոկրատական» պաղեստինյան կառավարության և միջազգային կայունացնող ուժերի ստեղծման մասին:
Աղբյուրները հայտնում են՝ հատուկ բանագնաց Սթիվ Ուիթքոֆը և Թրամփի փեսա Ջարեդ Քուշները շարունակում են աշխատել Գազայի խաղաղ համաձայնագրերի վրա և փորձում են հիմք դնել գործարքի երկրորդ մասի իրականացման համար, որը ենթադրում է ՀԱՄԱՍ-ի զինաթափում և իսրայելական զորքերի դուրսբերում:
«Սա վճռորոշ հանդիպում է։ Անհասկանալի է՝ արդյոք Թրամփը կիսում է Ուիթքոֆի և Քուշների տեսակետները: Հարցն այն է, թե ում կողմն է կանգնելու Թրամփը՝ Նեթանյահուի, թե իր գլխավոր խորհրդականների», - հայտարարել է իսրայելցի բարձրաստիճան պաշտոնյան։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
