Ասիա-խաղաղօվկիանոսյան երկրները պետք է զգույշ լինեն ռազմական ծախսերի ավելացման հարցում․ Պեսկով

Ասիա-խաղաղօվկիանոսյան տարածաշրջանի պետությունների կողմից ռազմական ծախսերի ցանկացած աճ պետք է զգույշ կառավարվի՝ լարվածության սրումից խուսափելու համար։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը հերթական ճեպազրույցի ժամանակ։

Լրագրողները խնդրել են նրան մեկնաբանել Ճապոնիայի կողմից ռազմական ծախսերը մեծացնելու որոշումը։ Լրատվամիջոցների ներկայացուցիչները հետաքրքրվել են, թե արդյոք ասիական երկրի իշխանությունների այս քայլը որևէ մտահոգություն է առաջացրել Կրեմլում։

«Ես չեմ կարող ձեզ հաստատ ասել. պարզապես չգիտեմ, թե որքան են նրանք ծախսել անցյալ տարի կամ որքան նշանակալի է այդ աճը։ Բայց, իհարկե, տարածաշրջանում ռազմական ծախսերի ցանկացած աճ պետք է շատ, շատ զգույշ կառավարվի՝ լարվածության հետագա սրումից խուսափելու համար», - ասել է Պեսկովը։