Թաիլանդի և Կամբոջայի միջև հրադադարը ուժի մեջ է մտել դեկտեմբերի 27-ին

Թաիլանդի և Կամբոջայի միջև հրադադարի մասին համաձայնագիրը ուժի մեջ է մտել դեկտեմբերի 27-ին։ Այդ մասին հայտարարել է Թաիլանդի պաշտպանության նախարար Նաթհապոն Նակպհանիթը՝ նշելով, որ հրադադարի ռեժիմը գործում է ամբողջ շփման գծով՝ տեղական ժամանակով ժամը 12:00-ից, որը համապատասխանում է Մոսկվայի ժամանակով 08:00-ին։

Կողմերը պայմանավորվել են չավելացնել ռազմական ներկայությունը սահմանային շրջաններում, չտեղակայել լրացուցիչ տեխնիկա և զինվածություն, ինչպես նաև լիովին դադարեցնել մարտական գործողությունները, զինատեսակների կիրառումն ու ցանկացած սադրանք։ Թաիլանդի և Կամբոջայի զորքերը ժամանակավորապես կմնան իրենց ներկայիս դիրքերում։ Հրադադարի պահպանումը 72 ժամվա ընթացքում վերահսկելու են ԱՍԵԱՆ երկրների ռազմական դիտորդները և կողմերի ներկայացուցիչները։

Թաիլանդի պաշտպանության նախարարի խոսքով՝ եթե այդ ժամանակահատվածից հետո իրավիճակը սահմանային գոտիներում կայուն լինի, այնտեղ կկարողանան վերադառնալ նախկինում տարհանված խաղաղ բնակիչները, իսկ դրանից հետո Թաիլանդը Կամբոջային կհանձնի գերի ընկած զինծառայողներին։ Դեկտեմբեր ամսվա ընթացքում երկու երկրների սահմանին տեղի ունեցած բախումների հետևանքով եղել են զոհեր և տասնյակ վիրավորներ ինչպես զինվորականների, այնպես էլ խաղաղ բնակչության շրջանում։