Ռուսաստանի պաշտպանության նախարարությունը հայտարարել է Կուպյանսկի նկատմամբ վերահսկողության պահպանման մասին

Ռուսաստանի պաշտպանության նախարարությունը հայտնել է, որ Կուպյանսկ քաղաքը շարունակում է մնալ ռուսական զորքերի վերահսկողության տակ։ Գերատեսչության տվյալներով՝ քաղաքում և դրա մերձակայքում դիրքերը պահում են «Արևմուտք» զորախմբի կազմում գործող 6-րդ գվարդիական համազորային բանակի ստորաբաժանումները։

Պաշտպանական գերտեսչությունը նշել է, որ ռուսական ուժերը հետ են մղում Ուկրաինայի զինված ուժերի ստորաբաժանումների հակագրոհները, որոնք փորձում են ճեղքել պաշտպանությունը և ներթափանցել քաղաք։ Ըստ հաղորդագրության՝ շարունակվում է հարձակողական և դիվերսիոն-հետախուզական խմբերի, ինչպես նաև տեխնիկայի ոչնչացումը։

Նշվում է, որ վերջին երկու օրերի ընթացքում Կուպյանսկի շրջանում՝ Բլագոդատովկա, Պրոկոպովկա, Օսինովո, Բոլդիրևկա և Մոնաչինովկա բնակավայրերի մոտ, հետ է մղվել ուկրաինական ուժերի հինգ հակագրոհ։ Ռուսաստանի պաշտպանության նախարարության տվյալներով՝ ոչնչացվել է հինգ միավոր տեխնիկա, այդ թվում՝ ԱՄՆ արտադրության երկու M113 զրահափոխադրիչ և «Պանտերա» զրահամեքենա, ինչպես նաև ավելի քան 20 զինծառայող։ Գերատեսչությունը ընդգծում է, որ տարածքային կորուստներ չեն արձանագրվել։