Զախարովան ծաղրել է Սուրբ Ծնունդ նշող ուկրաինացի երիտասարդների վարքագիծը

ՌԴ արտաքին գործերի նախարարության պաշտոնական ներկայացուցիչ Մարիա Զախարովան ուշադրություն է հրավիրել Ուկրաինայում Սուրբ Ծննդի օրը նկարահանված տեսանյութի վրա և ծաղրել երիտասարդների վարքագիծը։ Խոսքը վերաբերում է կադրերին, որտեղ երիտասարդները փողոցում հայտնվել են հեթանոսական տարազներով՝ այծի, մահվան և հրեշտակի դիմակներով։

Զախարովան իր Telegram-ալիքում վերատեղադրել է տեսանյութը, որտեղ երիտասարդներին հարցնում են՝ արդյոք գիտեն, թե ինչ տոն են նշում։ Տեսանյութի հերոսներից մեկը պատասխանում է, որ ինքը չգիտի տոնի իմաստը, սակայն գումար է հավաքում երրորդ գրոհային բրիգադի համար։

Ռուս դիվանագետը տեսածը մեկնաբանել է կոշտ տոնով՝ նշելով, որ դեկտեմբերի 25-ին, Ուկրաինայի նախագահի որոշմամբ, Սուրբ Ծնունդը նշվում է ռազմական նպատակներով դրամահավաք իրականացնելու համար, մինչդեռ երիտասարդները չեն պատկերացնում, թե ով է Հիսուս Քրիստոսը, որի ծնունդն էլ համարվում է քրիստոնեական տոնի հիմքը։ Ավելի վաղ Ուկրաինայի նախագահի Սուրբ Ծննդյան ուղերձը նույնպես քննադատության էր արժանացել նրա ձևակերպումների պատճառով։