Գազայում Իսրայելի գործողությունների հետևանքով զոհերի թիվը անցել է 71 հազարը

Գազայի առողջապահության նախարարությունը հայտնել է, որ Իսրայելի զինված ուժերի գործողությունների հետևանքով Սեկտոր Գազայում զոհերի թիվը 2023 թվականի հոկտեմբերի 7-ից անցել է 71 հազարից։ Նախարարության տվյալներով՝ այդ ժամանակահատվածում զոհվել է 71 266 մարդ, ևս 171 219-ը ստացել են տարբեր աստիճանի վնասվածքներ։

Հաղորդվում է, որ վերջին մեկ շաբաթվա ընթացքում ընդհանուր վիճակագրությանը ավելացվել է ևս 292 զոհ, որոնց մահվան փաստը նախկինում չէր հաստատվել։ Միևնույն ժամանակ նշվում է, որ հրադադարի համաձայնագրի ուժի մեջ մտնելուց հետո Գազայում զոհվել է ևս 414 մարդ, իսկ վիրավորվել է 1 142 քաղաքացի։

Իսրայելի և պաղեստինյան ՀԱՄԱՍ շարժման միջև հրադադարի համաձայնագիրը ուժի մեջ է մտել հոկտեմբերի 10-ին, սակայն կողմերը գրեթե ամեն օր հաղորդում են դրա խախտումների մասին։ Համաձայն պայմանավորվածությունների՝ ՀԱՄԱՍ-ը ազատ է արձակել Գազայում պահվող 20 իսրայելցի պատանդների, իսկ Իսրայելը պատասխան քայլով ազատել է շուրջ 2 հազար պաղեստինցի կալանավորների։ Ներկայումս ՀԱՄԱՍ-ը իսրայելական կողմին է փոխանցում գերության ընթացքում զոհված պատանդների աճյունները։