Լրատվամիջոցները բացահայտել են՝ ինչ է սպասվում Զելենսկուն վաղը ԱՄՆ-ում

Bild պարբերականը գրում է, որ Ուկրաինայի նախագահ Վլադիմիր Զելենսկիի և ԱՄՆ նախագահ Դոնալդ Թրամփի հանդիպումը, ամենայն հավանականությամբ, հաջողությամբ չի պսակվի։

Պարբերականի փոխանցմամբ՝ Ուկրաինան խոչընդոտ է Վաշինգտոնի և Մոսկվայի հարաբերությունների կարգավորման ճանապարհին, մինչդեռ դա Թրամփի հիմնական աշխարհաքաղաքական նպատակից մեկն է։
«Թրամփի համար Ուկրաինան ընդամենը նյարդայնացնող խոչընդոտ է Ռուսաստանի հետ հարաբերությունների նորմալացման ճանապարհին», — Bild-ին ասել է անվտանգության հարցերով փորձագետ Պետեր Նոյմանը։

Նրա գնահատմամբ՝ Թրամփը Զելենսկուն չի ընկալում որպես իրեն հավասար քաղաքական գործչի։

Զելենսկիի և Թրամփի հանդիպումը նախատեսված է կիրակի օրը՝ Ֆլորիդայում։ Ավելի վաղ Թրամփը բարձր էր գնահատել համաձայնության հասնելու հնարավորությունը, սակայն միաժամանակ ընդգծել էր, որ Ուկրաինայի առաջնորդի առաջարկները խաղաղ կարգավորման վերաբերյալ ուժ չունեն առանց իր հաստատման։