Տրակտորիստը դիմակայել է վագրերին և փրկել կովին
Աշխարհ
Հնդկաստանում տրակտորիստը կարողացել է պաշտպանվել երկու վագրերից և փրկել կովին։ Այդ մասին հայտնում է Udayavani թերթը։ Միջադեպը տեղի է ունեցել երեքշաբթի՝ դեկտեմբերի 23-ին, Կարնատակա նահանգի Հունսուր շրջանում՝ կեսօրից հետո մոտ ժամը երկուսի սահմաններում։ Վարշիտ Գաուդան վարում էր տրակտորը և հերկում դաշտը, երբ երկու խոշոր վագրեր հարձակվել են նրա վրա։ Տղամարդը սկսել է բարձր գոռալ և կատարել կտրուկ մանևր, ինչից հետո գիշատիչները փախել են հարևան դաշտ և հարձակվել այնտեղ արածող կովի վրա։
Սակայն Գաուդան չի նահանջել․ նա հետապնդել է վագրերին, կարողացել է վռնդել նրանց և փրկել կենդանուն։ Կովը ստացել է պարանոցի վնասվածքներ, սակայն ողջ է մնացել։ Վագրերը փախել են ջունգլիներ։ Տեղացիները անմիջապես դեպքի մասին տեղեկացրել են անտառային տնտեսության դեպարտամենտին, սակայն վերջինս արձագանքել է միայն երկու ժամ անց՝ ուղարկելով ընդամենը երկու որսորդ։ Ֆերմերները դժգոհել են ծառայությունների դանդաղ արձագանքից և պահանջել անհապաղ միջոցներ ձեռնարկել՝ իրենց տնտեսությունները վագրերից պաշտպանելու համար։
Ավելի վաղ հաղորդվել էր, որ Հնդկաստանում վագրն անտառում փայտ հավաքող տղամարդու վրա հարձակվել է և նրան տարել խոր անտառ։
ՈՒՂԻՂ ԵԹԵՐ
Ամենադիտված 
Ով էր Ռուսաստանում բանջարեղենի շուկաները վերահսկող «օրենքով գողը», որի գլխի համար որս էին հայտարարել. Lenta.ru
