Լանջիկից դեպի Ազատան գլխավոր ճանապարհի 25 կմ հատվածում երկկողմանի մերկասառույց է

Այսօր Շիրակի մարզի որոշ ճանապարհահատվածներում մերկասառույց է, հայտնում է Shamshyan.com-ը։

Երևան Գյումրի ավտոճանապարհի՝ Լանջիկից մինչև Ազատան բնակավայր ճանապարհն ամբողջությամբ մերկասառույց է։

Եթե որոշ հատվածներում ճանապարհից հեռացվել է ձյունը ու կատարվել աղ ու ավազով անհրաժեշտ մշակում, ապա  այս Լանջիկ-Ազատան մոտ 25 կիլոմետրանոց ճանապարհահատվածում կարելի է ասել ճանապարհն սպասարկող ճանշինը մատը մատին չի տվել։

Ֆոտոլրագրողը հայտնում է, որ այսօր օրվա ընթացքում մի քանի ավտոմեքենաներ էլ հայտնվել են ձնակույտում՝ ճանապարհի մերկասառույցի պատճառով, և վարորդներին միայն օգնության են հասել ինչպես միշտ փրկարարներն ու պարեկները։