Երևանում 11.500 բաժանորդ գիշերվանից մնացել է առանց հոսանքի․ Ռոմանոս Պետրոսյանը մանրամասներ է հայտնել

ՀԷՑ ժամանակավոր կառավարիչ Ռոմանոս Պետրոսյանն էլ ֆեյսբուքյան իր էջում գրել է․ 

Կեսգիշերն անց ՀԷՑ-ի «Վարդաշեն» ենթակայանում տեղի ունեցած խոշոր մասշտաբի վթարի հետեւանքով հոսանքազրկվել էին շուրջ 51.000 բաժանորդներ։ ՀԷՑ-ի հերթապահ խմբերի եւ մասնագիտական ստորաբաժանումների օպերատիվ ներգրավմամբ մինչ այս պահը հնարավոր է դարձել վերականգնել էլեկտրամատակարարումը գրեթե 40.000 բաժանորդների համար:

Շուրջ 11.500 մեր բաժանորդների էլեկտրամատակարարումը կվերականգնվի, մեր գնահատմամբ, վաղը մինչեւ 22։00-ն։

Հայցում ենք մեր քաղաքացիների ներողամտությունն ու ըմբռնումը ստեղծված իրավիճակի համար։