Հավանական է արդյոք Զելենսկի-Պուտին հեռախոսազրույցը․ Fox News

Նախագահներ Դոնալդ Թրամփի և Վոլոդիմիր Զելենսկու բանակցությունները կարող են հանգեցնել նրան, որ տեղի կունենա վերջին հինգ տարվա ընթացքում առաջին հեռախոսազրույցը Ուկրաինայի առաջնորդի և Ռուսաստանի ղեկավար Վլադիմիր Պուտինի միջև: Նման հավանականության մասին խոսել է Fox News-ը՝ հենվելով տվյալների քննարկումներին մոտ կանգնած աղբյուրին։

Զրուցակիցը կարծում է, որ Կիևի և Մոսկվայի միջև բարձր մակարդակով ուղիղ հեռախոսային կապի կազմակերպումը Թրամփի համար դիվանագիտական հաջողություն կլիներ:

Նրա խոսքով՝ Զելենսկին, հավանաբար, մեծ լարվածություն է ունեցել Մար-ա-Լագոյի նստավայրում Սպիտակ տան ղեկավարի հետ հանդիպումից առաջ, նա միշտ ուշադիր պատրաստվում է նման բանակցությունների՝ երկար ժամանակ ուսումնասիրելով Ուկրաինայի արտաքին քաղաքական գերատեսչությունների կողմից պատրաստված փաստաթղթերը։