Բրիջիտ Բարդոն ցանկանում էր այցելել Ռուսաստան՝ մահից ամիսներ առաջ

Ֆրանսիացի լեգենդար դերասանուհի Բրիջիտ Բարդոն մահից մի քանի ամիս առաջ մտադրություն է ունեցել այցելել Ռուսաստան։ Այս մասին հայտնել է նրա մտերիմ ընկերը՝ փաստաբան Ալեքսանդր Դոբրովինսկին՝ aif.ru-ի հետ զրույցում։

Դոբրովինսկու խոսքով՝ Բարդոն երկար տարիներ հետաքրքրված է եղել ռուսական մշակույթով և Ռուսաստանն անվանել է այն երկիրը, որտեղ կարող է «գտնել հին Ֆրանսիան»։ Նրա խոսքով՝ վերջին զրույցը դերասանուհու հետ տեղի է ունեցել մահից մի քանի ամիս առաջ, և Բարդոն ասել է, որ ուժ գտնելու դեպքում անպայման կայցելի Ռուսաստան։

Բրիջիտ Բարդոն մահացել է դեկտեմբերի 28-ին՝ 91 տարեկանում։ Հայտնի է, որ նոյեմբերին նա ավելի քան 10 օր հոսպիտալացված է եղել Տուլոնի «Սեն-Ժան» հիվանդանոցում։ Նրա առողջական վիճակի մանրամասները չեն հրապարակվել, սակայն դա վերջին երկու ամիսների ընթացքում երկրորդ հոսպիտալացումն էր։