Ռուսաստան-Ուկրաինա խաղաղության պայմանագրի 20 կետերը գրեթե 100%-ով համաձայնեցված են․ Զելենսկի

Ուկրաինայի նախագահ Վոլոդիմիր Զելենսկին հայտարարել է, որ Ռուսաստանի հետ հակամարտության կարգավորման 20 կետանոց խաղաղության ծրագրի 90%-ը համաձայնեցվել է Միացյալ Նահանգներում բանակցությունների ընթացքում: Հանդիպումից հետո մամուլի ասուլիսը հեռարձակվել է Սպիտակ տան YouTube-յան էջում։

«Մենք քննարկել ենք մեր խաղաղության ծրագրի բոլոր ասպեկտները, և մենք զգալի առաջընթաց ենք գրանցել բոլոր 20 կետերի շուրջ», - հայտարարել է նա։

Քաղաքական գործչի խոսքով՝ ուկրաինական և ամերիկյան պատվիրակությունները համաձայնության են եկել 20 կետանոց խաղաղության ծրագրի 90%-ի շուրջ՝ անվտանգության երաշխիքների վերաբերյալ 100% համաձայնությամբ։

Ուկրաինայի առաջնորդը դեկտեմբերի 18-ին հանդիպել է ԱՄՆ նախագահ Դոնալդ Թրամփի հետ Ֆլորիդայի իր Մար-ա-Լագո նստավայրում: Նրանց բանակցությունները տևել են մոտ երկու ժամ՝ գերազանցելով իրենց տևողության ռեկորդը։