Reuters․ Hyundai-ն չի կարող ներկայիս պայմաններում վերադառնալ Ռուսաստան և վերագնել գործարանը

Հարավկորեական ավտոհսկա Hyundai Motor Group-ը ներկայիս պայմաններում չի կարող օգտվել Սանկտ Պետերբուրգում գտնվող իր նախկին ավտոմոբիլային գործարանը հետգնելու իրավունքից։ Այս մասին հայտնում է Reuters-ը՝ հղում անելով իրավիճակին ծանոթ աղբյուրին։ Նշվում է, որ տվյալ գործարանում այժմ ավտոմեքենաներ են արտադրվում Solaris ապրանքանիշով։

Գործակալության աղբյուրի խոսքով՝ ընկերության ներսում ընթացող քննարկումների արդյունքում Hyundai-ն այս փուլում չի տեսնում իր նախկին ակտիվների հետգնման իրական հնարավորություն Ռուսաստանում։ Թե կոնկրետ ինչ գործոններ են խոչընդոտում այդ սցենարի իրականացումը, աղբյուրը չի հստակեցրել, սակայն ընդգծել է, որ առանց Ուկրաինայում ռազմական գործողությունների դադարեցման որևէ առաջընթաց հնարավոր չէ ակնկալել։

Hyundai Motor Group-ը դադարեցրել էր ավտոմեքենաների պաշտոնական մատակարարումները Ռուսաստան Ուկրաինայում պատերազմի սկսվելուց հետո և

վաճառել Սանկտ Պետերբուրգի իր գործարանը «Արտ-ֆինանս» ընկերությանը՝ մոտ 97,5 դոլար արժողությամբ գործարքով։ 2024 թվականին արտադրական հարթակը վերանվանվել է «ԱԳՌ ավտոմոբիլային գործարան», իսկ գործարանը հետգնելու օպցիոնը գործում է մինչև 2026 թվականի հունվարը։