Հայտնի է Շիրակի մարզում ողբերգական ավտովթարից զոհվածների ինքնությունը

Դեկտեմբերի 28-ի դաժան ավտովթարը խլեց Ազատան գյուղի բնակիչներ` Վահե Միհրանի Ղաբանյանի (ծնված 2001թ),

Արմեն Սիսակի Չարխիֆալաքյանի (ծնված 1984թ) և Մարինա Ռազմիկի Մկրտչյանի (ծնված 1969թ) կյանքերը։ Այս մասին ասված է Ազատավան բնակավայրի ֆեյսբուքյան էջում։

 

«Ցավակցում ենք զոհվածների ընտանիքներին, խոր ցավով կիսում ենք Ձեր կորստի տառապանքը, ուժ և համբերություն Ձեր ընտանիքներին։

 

Իսկ վիրավորներին մաղթում ենք շուտափույթ ապաքինում»,– ասված է հաղորդագրության մեջ։

 

Դեկտեմբերի 28-ին, ժամը 14։06-ին Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Գյումրի–Ազատան ավտոճանապարհին տեղի է ունեցել ՃՏՊ՝ կան տուժածներ:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Գյումրի-Ազատան ավտոճանապարհի 1-ին կմ-ին բախվել են Mercedes-Benz և Lada մակնիշների ավտոմեքենաները․ Mercedes-Benz մակնիշի ավտոմեքենայից դուրս հայտաբերվել է ուղևորի դին։ Mercedes-Benz մակնիշի ավտոմեքենայի վարորդը հոսպիտալացվել է բժշկական կենտրոն։

Փրկարարները Lada մակնիշի ավտոմեքենայից դուրս են բերել ուղևորին և մոտեցրել շտապօգնությանը․ տուժածը հոսպիտալացվել է բժշկական կենտրոն։ Փրկարարները սահմանազատել են տարածքը, հոսանքազրկել ավտոմեքենաները, փակել գազի բալոնների փականները և ավտոմեքենաներից դուրս բերել երկու դի։