Պուտինն ու Իրանի նախագահը հեռախոսազրույց են ունեցել

Ռուսաստանի նախագահը հեռախոսազրույց է ունեցել Իրանի նախագահի հետ, քննարկել Թեհրանի միջուկային ծրագիրը, ինչպես նաև հարաբերությունների հետագա սերտացումը էներգետիկայի և տրանսպորտային ենթակառուցվածքների ոլորտում, հաղորդում է Կրեմլը։

Հեռախոսազրույցը տեղի է ունեցել ԱՄՆ նախագահ Դոնալդ Թրամփի երեկվա հայտարարությունից հետո, թե Վաշինգտոնը կարող է միանալ Իրանի դեմ Իսրայելի նոր հարվածներին, եթե պարզվի, որ Թեհրանը շարունակում է միջուկային ծրագիրը։