Իրանը վերսկսում է բալիստիկ հրթիռների արտադրությունը. Նեթանյահու

Իսրայելի վարչապետ Բենիամին Նեթանյահուն հայտարարել է, որ Իրանը վերսկսում է բալիստիկ հրթիռների արտադրությունը։

Fox News-ի եթերում Իսրայելի վարչապետին հարցրել են, թե ինչպես է գնահատում Իսլամական Հանրապետության առաջընթացը իր բալիստիկ հրթիռային և միջուկային կարողությունների վերականգնման գործում։

«Մենք նրանց զգալիորեն հետ ենք մղել երկու ոլորտներում էլ, բայց նրանք կփորձեն», - ասել է նա։ Նեթանյահուն պնդել է, որ Ֆորդոյի Իրանի միջուկային օբյեկտի «ոչնչացումից» հետո Թեհրանը փորձում է վերականգնել իր միջուկային ծրագիրը «այլ վայրերում»։ «Նրանք նաև փորձում են վերականգնել իրենց բալիստիկ հրթիռների արտադրության օբյեկտը», - հայտարարել է վարչապետը՝ հավելելով, որ Թեհրանը «վերադարձել է արտադրությանը»։