ՌԴ պաշտպանության նախարարությունը ԱՄՆ-ին է փոխանցել Պուտինի նստավայրի վրա անօդաչուների հարձակման ապացույցները
Աշխարհ
ՌԴ պաշտպանության նախարարությունը ԱՄՆ-ին է փոխանցել Ռուսաստանի նախագահի նստավայրի վրա անօդաչուների հարձակման ապացույցները: Գերատեսչությունից նշել են, որ մասնագետները խոցված անօդաչու թռչող սարքերից մեկի նավիգացիոն համակարգի բլոկից հանել են թռիչքային առաջադրանքով տեղեկություն:
«Տվյալների վերծանումը ցույց է տվել, որ թիրախը եղել է Նովգորոդի մարզում ՌԴ նախագահի նստավայրի օբյեկտներից մեկը»,- նշել են ՌԴ պաշտպանության նախարարությունից։
Ավելի վաղ The Wall Street Journal-ը, վկայակոչելով ամերիկյան հատուկ ծառայություններում իր աղբյուրը, նշել էր, որ ՌԴ նախագահի վրա հարձակման փորձ չի եղել. Ուկրաինան փորձել է հարված հասցնել ռազմական օբյեկտին, որը գտնվում է նույն տարածաշրջանում, բայց ոչ ՌԴ նախագահի նստավայրի կողքին։
ՌԴ նախագահի նստավայրի վրա հարձակման մասին տեղեկությունը հերքել էր նաև Ուկրաինայի նախագահ Վոլոդիմիր Զելենսկին:
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
