Կանխատեսում․ Ինչպիսի՞ն կլինեն կլիմայական ցուցանիշները 2026-ին

Բրիտանական Met Office օդերևութաբանական ծառայության կանխատեսումը 2026 թվականի համար ենթադրում է, որ մեզ սպասվում է դիտարկումների պատմության չորս ամենաշոգ տարիներից մեկը, հայտնում է Euronews-ը։

Գլոբալ կանխատեսումների թիմի ղեկավար, պրոֆեսոր Ադամ Սքայֆը հայտարարել է․ «Վերջին երեք տարիները գերազանցել են 1,4 °C շեմը, և մենք ակնկալում ենք, որ 2026-ը կլինի նման գերազանցմամբ չորրորդ տարին անընդմեջ։ Մինչև այս աճը գլոբալ ջերմաստիճանը չէր գերազանցում 1,3 °C-ը»։

Նշվում է, որ 2025 թվականին ռեկորդային տաքացումը բախվեց թույլ քաղաքական կամքի հետ, այն դեպքում երբ տարվա ընթացքում անընդհատ աճում էր կլիմայական ճգնաժամի ճնշումը։