Դանիայում մտահոգված են ԱՄՆ-ից հնչող ակնարկների պատճառով

Միացյալ Նահանգները պետք է հարգի Դանիայի տարածքային ամբողջականությունը, սոցիալական ցանցերում գրել է դանիացի դիվանագետ Յեսպեր Մյոլլեր Սերենսենը։

«Մենք ակնկալում ենք Դանիայի Թագավորության տարածքային ամբողջականության նկատմամբ լիակատար հարգանք», - գրել է դիվանագետը։

Այսպես է նա արձագանքել Սպիտակ տան աշխատակազմի ղեկավարի տեղակալ Սթիվեն Միլլերի կնոջ գրառմանը, որում նա հրապարակել է Գրենլանդիայի քարտեզը՝ ներկված ամերիկյան դրոշի գույներով՝ մակագրված․ «Շուտով»։

Սերենսենը հիշեցրել է, որ Միացյալ Նահանգները և Դանիան դաշնակիցներ են, իսկ Գրենլանդիան ՆԱՏՕ-ի մաս է կազմում։