Ռուբիոն կստանձնի Վենեսուելայի կառավարումը․ Bloomberg
Աշխարհ
ԱՄՆ պետքարտուղար Մարկո Ռուբիոն ստանձնելու է գլխավոր վարչական դերը Վենեսուելայի կառավարման գործում` գրել է Bloomberg-ը։
Նշվում է, որ Թրամփի թիմը՝ պետքարտուղար Մարկո Ռուբիոյի, ներքին անվտանգության հարցերով խորհրդական Սթիվեն Միլլերի և պատերազմի նախարար Փիթ Հեգսեթի հետ համատեղ, այս պահին մշակում է Վենեսուելայի կառավարման կառուցվածքը։
Վենեսուելայի Գերագույն դատարանը նախօրեին երկրի նախկին փոխնախագահ Դելսի Ռոդրիգեսին նշանակել է ժամանակավոր նախագահ։ Նշվում է, որ նոր նշանակումը անհրաժեշտ է «կառավարման համակարգերի աշխատանքների վարչական շարունակականությունն ապահովելու» և «ազգային պաշտպանությունը պահպանելու» համար։
Հունվարի 3-ի լույս 4-ի գիշերն ԱՄՆ բանակը հարվածներ է հասցրել Վենեսուելայի մայրաքաղաք Կարակասին, երկրի ղեկավար Նիկոլաս Մադուրոն և նրա կինը՝ Սիլիա Ֆլորեսը, դուրս են բերվել երկրից և տեղափոխվել ՄԻացյալ Նահանգներ։
ԱՄՆ-ում Մադուրոյին և նրա կնոջը մեղադրանք է առաջադրվել Նյու Յորքի հարավային շրջանում։ Մադուրոն, մասնավորապես, մեղադրվում է «թմրանյութային ահաբեկչության և կոկաինի ներմուծման նպատակով դավադրության, գնդացիրներ և պայթուցիկ սարքեր պահելու համար»:
ՈՒՂԻՂ ԵԹԵՐ
Ամենադիտված 
Ջուր հավաքեք․ ջուր չի լինելու
