Համացանցում են հայտնվել Նոստրադամուսի` 2026 թվականի կանխատեսումները

16-րդ դարի աստղագուշակ Միշել դը Նոստրադամուսը, որն ավելի հայտնի է որպես Նոստրադամուս, կրկին հայտնվել է ուշադրության կենտրոնում: Հետազոտողները պնդում են, որ նրա որոշ քառյակներ կարող են մատնանշել խոշոր քաղաքական իրադարձություններ և 2026 թվականին համաշխարհային լարվածության աճ, հաղորդում է Daily Mail-ը:

Նոստրադամուսը, որին վերագրվում է 2001 թվականի սեպտեմբերի 11-ի ահաբեկչական հարձակումների և COVID-19 համավարակի կանխատեսումը, հրատարակել է իր «Մարգարեություններ» գիրքը 1555 թվականին: Այն պարունակում է 942 տողային կանխատեսումներ, որոնք գրված են լատիներենի և հին ֆրանսերենի խառնուրդով, ինչը հնարավորություն է տալիս տարբեր մեկնաբանությունների:

Չնայած տեքստը հազվադեպ է նշում որոշակի տարիներ, վերջին մեկնաբանությունները 26-րդ քառատողը կապում են 2026 թվականի հետ:

Ինչպես նշում են հետազոտողները, I:26 քառատողում ասվում է. «Մեղուների մեծ պարս կբարձրանա…»: Նոստրադամուսին ուսումնասիրող մասնագետները կարծում են, որ «մեղուները» կարող են ներկայացնել իշխանություն կամ ազդեցիկ քաղաքական գործիչների: