Ռուսաստանում հայտարարել են՝ Թրամփը «հերթական ապտակն է հասցրել եվրոպացի վասալներին»

ԱՄՆ նախագահ Դոնալդ Թրամփը «հերթական ապտակն է հասցրել եվրոպացի վասալներին», որոնք խոսել են Վենեսուելայում ժողովրդավարության մասին և մեկնաբանել երկրի ղեկավար Նիկոլաս Մադուրոյի ոչ լեգիտիմ կառավարումը: Նման հայտարարություն է արել սենատոր Անդրեյ Կլիշասը Telegram-ի իր ալիքում։

«Թրամփը հերթական ապտակն է հասցրել եվրոպացի վասալներին, որոնք իրենց թույլ են տվել խոսել Վենեսուելայում «ժողովրդավարության» աջակցության և Մադուրոյի «ոչ լեգիտիմության» մասին՝ արդարացնելով տիրոջ գործողությունները։

«Տերն ասել է՝ նախ նավթով կզբաղվենք, հետո արդեն կմտածենք ժողովրդավարության մասին», - իրավիճակը մեկնաբանել է խորհրդարանականը։ Սենատորը ենթադրել է, որ այժմ Եվրոպան կամ ամբողջական էմբարգո կսահմանի վառելիքի վրա, կամ որոշակի գնային առաստաղ։