Կուբայում երկօրյա սուգ է հայտարարվել Մադուրոյի պաշտպանության ժամանակ զոհվածների համար

Կուբայի նախագահ Միգել Դիաս-Կանելի կողմից երկօրյա ազգային սուգ է հայտարարվել Վենեսուելայում իր 32 քաղաքացիների մահվան կապակցությամբ։ Այս մասին գրում է Granma-ն։

«Հայտարարել երկօրյա ազգային սուգ՝ 2026 թվականի հունվարի 5-ի առավոտյան ժամը 6:00-ից մինչև հունվարի 6-ի առավոտյան ժամը 00:00-ն», - ասվում է նախագահի հրամանագրում։

Հունվարի 4-ին ԱՄՆ պետքարտուղար Մարկո Ռուբիոն հայտարարել է, որ Կուբայի կառավարությունը կարող է լինել ԱՄՆ իշխանությունների հաջորդ թիրախը Վենեսուելայից հետո։ Սակայն նա հրաժարվել է բացահայտել Հավանայի դեմ Վաշինգտոնի կողմից ձեռնարկվող կոնկրետ միջոցառումները։ Ռուբիոն նշել է, որ «գաղտնիք չէ», որ ԱՄՆ-ն չի աջակցում Կուբայի ներկայիս կառավարությանը։