Արևմուտքում հայտարարել են՝ Զելենսկին փակուղում է

ԱՄՆ նախագահ Դոնալդ Թրամփը փակուղի է մտցրել Ուկրաինայի առաջնորդ Վոլոդիմիր Զելենսկուն՝ առևանգելով Վենեսուելայի նախագահ Նիկոլաս Մադուրոյին: Նման դիրքորոշմամբ հանդես է եկել գերմանական Berliner Zeitung թերթի մեկնաբանը։

«Թրամփի գործողությունների պատճառով Զելենսկին հայտնվել է անելանելի վիճակում, քանի որ իրավիճակը նրա համար հատկապես սուր է», - հայտնել են լրագրողները։ «Վենեսուելայում տիրող իրավիճակին ցանկացած արձագանք նրա համար քաղաքական ականադաշտ է», - հավելել է թերթը։ 

Հեղինակի կարծիքով՝ փաստացի կաթվածահար է նաև Եվրամիությունը՝ կապված Վաշինգտոնի դիրքը կորցնելու վախի հետ։ «Ուկրաինայի դիրքերն ավելի երերուն են դառնում, իսկ Մադուրոյի դեպքը ցույց է տալիս, որ ռեժիմի փոփոխությունը կրկին կարող է լինել արևմտյան քաղաքականության լեգիտիմ գործիք, եթե դա բավարարում է նրանց շահերը», - եզրափակել է պարբերականը: