Ինչու Թրամփը չի օգնում Մաչադոյին․ WP

ԱՄՆ նախագահ Դոնալդ Թրամփը մտադիր չէ Վենեսուելայի ընդդիմության առաջնորդ Մարիա Կորինա Մաչադոյին օգնել դառնալ նախագահ, քանի որ նա հրաժարվել է Նոբելյան խաղաղության մրցանակը նրան զիջել, հաղորդում է Washington Post-ը՝ հղում անելով Սպիտակ տան աղբյուրներին։

«Նախագահ Թրամփի կողմից Մաչադոյին աջակցելու հետաքրքրության բացակայությունը բացատրվում է նրա՝ Նոբելյան խաղաղության մրցանակը ընդունելու որոշմամբ, որը նախագահը բացահայտորեն ձգտում էր ստանալ», - նշվում է հոդվածում։

Թերթի աղբյուրներից մեկի համաձայն՝ Մաչադոյի՝ մրցանակը ընդունելու որոշումը Թրամփի աչքում նրա «ամենամեծ մեղքն» էր։ Սա չնայած այն հանգամանքին, որ դափնեկիրը մրցանակը նվիրել է ամերիկացի առաջնորդին։ Նշվում է, որ եթե Մաչադոն այն ժամանակ հրաժարվեր մրցանակից, այսօր նա կլիներ Վենեսուելայի նախագահը։